Þá er  kominn tími til að blogga, ekki satt.
Það er meira en ár síðan ég bloggaði síðast, og ég var bara hætt þessu, en eiginlega hef ég saknað þess, ég verð bara að segja það.
Ég rataði inn á skemmtilega síðu hjá brottfluttum Hornfirðingi sem er enn að blogga og ákvað þá bara að byrja aftur.

Við stórfjölskyldan skruppum til Ameríku í sumar ásamt mömmu og pabba.  Tilgangur ferðarinnar var að heimsækja hálfsystur mömmu og hennar fjölskyldu sem við erum bara tiltölulega nýlega búin að kynnast, og vissum í rauninni ekki um fyrr en jólin 2009. Þau búa í Oklahoma og eru bara yndislegasta fólk enda ekki við öðru að búast. Ég skrifaði um þetta hér á síðunni þegar þetta var alltsaman að gerast, og ef þú vilt forvitnast meira um það, getur þú skoðað það nánar. Þessi ferð gjörsamlega reddaði sumrinu því þarna var hitabylgja og hitinn komst uppí 42 gráður, en hitastigið hér heima hefur nú ekki farið hátt og mikið asskoti hefur nú rignt.

Ég er enn að vinna sem virknisþjálfi hjá HSSA og á saumastofunni þar en einnig er ég á saumastofu hjá BjarmaBerg, Svo það er mikið að gera. Ég fer aftur í skóla í haust þar sem ég er að læra félagsliðann.

Nú er ég að græja mig að fara í smá sveitaferð.. bless í bili
Lísa

....Nýjar myndir af málverkum á myndlistarsíðuna mína... endilega skoða.
kv Lísa

Jæja... er ekki kominn tími á blogg.

Ég er orðin fín af brjósklosinu. Gat ekki byrjað að vinna fyrr en 1 febrúar.. svo þetta voru fimm langir mánuðir frá vinnu.
Það sem ég tel að hafi læknað mig var að ganga og ganga og ganga.. helst í þúfum, ekki á harðri stétt. Ég hætti hjá sjúkraþjálfara, kírópraktor og nálastungum og eftir það gerðust hlutirnir hratt.  Þannig að ef þú ert með brjósklos þá skaltu ganga. Kaupa þér góða skó og skella þér út.
Ég gat bara sofið á hliðinni.. varð mér úti um langa spónaplötu sem ég svaf á í nokkrar vikur, og þá er nauðsynlegt að vera með tvo auka kodda. Einn sem settur er við mittið og annar á milli fótanna (betra að hafa hann stóran, en mittiskoddann lítinn) 

Ég hugsa mikið um bakið í dag.. passa að lyfta engu þungu, ganga upprétt, sit ekki mikið og ég sef ennþá með aukakoddana, þeir eiga eftir að fylgja mér um ókomna tíð. Ég nota mittiskoddann líka ef ég sef á maganum, þá set ég hann undir magann og þá get ég sofið án þess að fá verk í bakið.. (ég gat ekki sofið á maganum áður, án þess að fá í bakið.)

Svo nú finnst mér ég bara svífa í gegnum lífið .. verkjalaus, en ég hafði verið slæm í baki og mjöðm síðustu 4-5 ár.

En nóg um þetta.. Ég sagði ykkur frá því þegar við komumst að því að mamma ætti systur úti í Oklahoma. En hún og dóttir hennar heimsóttu okkur í þessum mánuði. Það var mjög gaman og við gerðum margt. M.a fórum við í Bláa Lónið, skoðuðum Skógarfoss og Seljalandsfoss,  fórum í Ingólfshöfða, og margt fleira.  Þær voru úrvinda eftir ferðina til Íslands.. og hlökkuðu til að fara heim og SOFA.. þær vildu nefnilega ekki sofa á meðan við vorum á keyrslu milli landshluta, því þær vildu ekki missa af neinu.
Svo er planið að fara og heimsækja þær á næsta ári.

Kristófer fermdist í síðasta mánuði, það var bara æðislegt.
Hann keypti sér krossara í vor og er búinn að vera duglegur á honum.. hann byrjaði að vinna í unglingavinnunni á mánudag og finnst bara ágætt.
Stelpurnar eru að vinna á gistiheimilunum hjá Halldóri Sævari og fá fín laun þar.

jæja.. það er ekki gaman að lesa of löng blogg... bæjó
kveðja Lísa skvísa.

 

jæja.. ég er á fullu hjá sjúkraþjálfara.. og fór í nálastungur á miðvikudaginn.. svo er ég hjá kírópraktor.. mig langar líka að prófa höfuðbeina og spjaldhryggsmeðferð.  bara prófa sem flest og ath hvort ég fari ekki að lagast.. ég er ennþá svolítið skökk.. en ekki nærri eins mikið og ég var..
Svo fór ég að vinna í gær, en bara í um 1 1/2 - 2 tíma.. ætla svo að lengja það smátt og smátt.
Ég ætla að vera orðin góð af brjósklosinu fyrir jól... búin að ákveða það.. og ekkert múður. punktur og basta.

kv.Lísa

Í dag er 30 okt.. jeminn.. jólin eru alveg að koma..

það er aldeilis blíða úti... nú væri ég til í að grilla, kannski maður skelli bara á nýja grillið í kvöld og bjóði liðinu í mat...

nú eru akkúrat liðnar 8 vikur síðan ég lagðist í rúmið vegna brjósklossins og ég er ekki enn orðin góð, þetta hefur tekið agalega langan tíma.. vonandi verð ég samt alveg laus við þetta í desember... svo langar mig líka að fara að fara komast í vinnuna og hitta kellurnar mínar þar.. og kallana... ég hef nú samt verið dugleg að heimsækja þau, og það hressir mann bara.

sí jú


Lísa

voru aðbúa til pitsu,Stella búin að taka eldhúsið alveg í gegn.. og tók til í öllu húsinu á fimmtudag.. og Fjóla hefur gert það líka. vonandi halda þær þessu áfram þegar ég er orðin hress... ég er búin að elda mat ca 4 sinnum síðustu 6 vikur,, þær hafa alveg séð um þetta. mjög duglegar.

kv Lísa

Ég fór í heitu pottana í Hoffelli í gær, með þremur konum.. Það var æðislegt.
vatnið í pottunum er talið hafa einhverskonar lækningamátt.. t.d. fyrir psoriasis sjúklinga. Og ég finn núna hvað húðin er mjúk viðkomu. Ég fer pottþétt fljótt aftur.

Pottarnir eru úti undir berum himni.. undir klettum. Þar er lýsing og hægt að kveikja á kertum út um allt. Við vorum með konfekt, snakk og drykki með okkur... Þið verðið að prófa...

kv Lísa

Ég ætla að fara stuttan göngutúr á hækjunum í dag þegar ég er búin hjá sjúkraþjálfaranum... Mikið hlakka ég til þegar ég er orðin bein í baki aftur og get farið að gera ALLT sem mig langar...

ætla að vera hress og kát í dag.. og láta þetta brjósklos fara. Versnaði í gær eftir tímann hjá sjúkraþjálfara.. svaf ekki vel.. en nú bara .. burtu með verkina.
Ætla að skella mér í sturtu bráðum og ef ég treysti mér ætla ég að labba með Katrínu Birnu og kisunni hennar niður Höfðaveginn.
Ég er að lesa bækurnar um kvenspæjarastofu númer eitt, þær eru bara alveg ágætar, er að byrja á þriðju bókinni núna.
það er bara blíða dag eftir dag..
bless Lísa

góður dagur.. , og ég að fara í sjúkraþjálfun.. er ekki búin að vera úti á meðal fólks í nokkra daga.

og ég var að heyra jólaauglýsingu í útvarpinu...  það á að banna þetta..

Á myndlistarnámskeiði.. ég og Rannveig...

Við systurnar..

Eru margir þarna úti sem eru að blogga ?  Ég veit að allir vinir mínir eru hættir.... sem er synd.. því þetta er bara virkilega gaman.

kveðja.. Lísa

Ég ligg í rúminu og læt mér leiðast
búin að lesa allar bækurnar og hugsa um .. jah.... er búin að hugsa svo mikið síðustu vikur að það hálfa væri nóg.
Ef þið eruð ekki búin að lesa bókina Á ég að gæta systur minnar.. skuluð þið drífa í því.. hún er mjög góð..

Helga Pétursd og Jóhanna Dagmar komu með blómvönd og baileys handa mér áðan, svo sætar í sér.. báðar búnar að fá brjósklos.. svo þær vita alveg hvað ég er að ganga í gegnum.

ætla að fara að lesa ritgerð um Júlíus Caesar sem frumburðurinn var að skrifa..

blessó.. Lísa brjósk.

Nú er sjötta vikan að byrja, síðan ég lagðist í rúmið.
Ég fékk brjósklos 5 september.. var nú búin að finna fyrir því allavega 1/2 ári fyrr, en læknum datt brjósklos ekki í hug, hinsvegar virtust allir aðrir vita það. Svo bara komst ég ekki upp úr rúminu 5. sept, og er nánast búin að vera í rúminu síðan.
Það er nú ýmislegt sem flýgur í gegnum hugann þegar maður er einn heima og  gerir lítið annað en að hugsa.. sumt gott, annað ekki.
Reyndar hef ég verið dugleg að taka bækur á bókasafninu og verið mikið í tölvunni. Ég hef líka verið að reyna að prjóna og hekla, og læra stærðfræði. Svo það er nú ekki allt neikvætt við að vera rúmföst.
Fjóla er að baka piparkökur þessa stundina. Það er orðið svo stutt til jóla........